हाइकु

ऊ….संघीयता! मन्त्रीको डेराभित्र सपथ घोक्दै

ऊ………संघीयता

मन्त्रीको डेराभित्र
सपथ घोक्दै ।
लुम्बिनी नाँच्दा
अर्धमूदित आँखा
त्यसै लोलाए ।
कोभिडे संघीयता
नेपाली भेरियन्ट
थला पार्दैछ ।
स्वाद हरायो ?
दाता रित्तिदै गर्दा
पतनोन्मुख !
अङ्ग -पतन
बेढङ्गी व्यवस्थाको
दङ्ग जनता !
रत्नाकर त
वाल्मिकी हुँदैछन् रे
फास्टट्रयाकमा ।
बा बोल्नुहुन्न
मन्त्र जापमा मग्न
आस्तिक यात्रा ?
बालाई खोज्न
नव तीर्थस्थलमा
पूजारी दौडे ।
बा एक्लिनु भो
मानिसहरूबाट
मोहको खेल !
घेर्दै -घेरिँदै
दम्भ, द्वेष र दाता
बोली फेरिँदै ।
बोली फेरिँदा
खोली तर्न गाह्रो भो
डुबिने हो कि !
बैशाख २०, २०७८ मा प्रकाशित
प्रतिक्रिया दिनुहोस्