चट्याङ लागेर एकको मृत्यु, आठ जना घाइते

१७ वर्षका फ्लोयड मालोनले खिचेको यो तस्बिरले जुनियर विधाको अवार्ड जितेको हो । अस्ट्रेलियाको न्यु साउथ वेल्समा उनले चट्याङ्ग पर्दै गर्दाको तस्बिर खिचेका हुन् ।

गुल्मी – मुसिकोट नगरपालिकामा चट्याङ लागेर एक जनाको ज्यान गएको छ भने अन्य आठ जना घाइते भएका छन्।

ज्यान जानेमा मुसिकोट नगरपालिका–४ दजाकोट निवासी १८ वर्षीया करिश्मा गाहा रहेको जिल्ला प्रहरी कार्यालयले जनाएको छ। चट्याङले लागेर घाइतेहरूलाई अस्पताल ल्याउने क्रममा गाहाको ज्यान गएको हो।

शुक्रबार बिहान ५ः३० बजे घरमा बसिरहेको अवस्थामा अचानक चट्याङ पर्दा सोही ठाउँका ४२ वर्षीया जुनी गाहा, १८ वर्षीया मेलिना गाहा, आठ वर्षीया जेनित गाहा, ३८ वर्षीय तुलबहादुर गाहा, ६० वर्षीय उजुर सिंह गाहा, ५५ वर्षीया फटिकला गाहा, ३२ वर्षीय चित्रबहादुर गाहा र २८ वर्षीया ज्योति गाहा घाइते भएको प्रहरी उपरीक्षक गोपालचन्द्र भट्टराईले जानकारी दिए।

घाइतेमध्ये चार जनालाई थप उपचारका लागि पाल्पा पठाइएको छ भने अन्य चार जनाको गुल्मी अस्पतालमा उपचार भइरहेको छ।
उनीहरूको अनुहारलगायत शरीरमा चोट लागेको छ।

बैशाख २४, २०७८ मा प्रकाशित
प्रतिक्रिया दिनुहोस्