सिमकोट – जिल्लामा अभाव भएका बेला स्वास्थ्य सेवा कार्यालयले नयाँ एन्टिजिन किट खरिद गरेर ल्याएको छ।

कोरोना संक्रमणका लक्षण देखिएका ब्यक्ति भेटिएका बेला परीक्षण गर्ने किट अभाव भएको समयमा स्वास्थ्य सेवा कार्यालयले आफ्नै स्रोतबाट किट खरिद गरेर जिल्लामा हवाई मार्गबाट ढुवानी गरेर ल्याएको हो।

कार्यालयसँग नौ वटा मात्र एन्टिजिन किट बाँकी भएको बेला पाँच सय थान नयाँ एन्टिजिन किट खरिद गरेर जिल्लामा आइपुगेको स्वास्थ्य सेवा कार्यालयका प्रमुख प्रेम सिंहले जानकारी दिए।

कार्यालयको स्रोतबाट सुर्खेतमा किट खरिद गरेर हवाईमार्गबाट जिल्ला आइपुगेको उनले बताए। सुर्खेतबाट किट हुम्ला ल्याउनका लागि निकै कसरत गर्नुपरेको थियो। किट जिल्लामा आएपछि अब सम्भावित कोरोना संक्रमणको आशंका लागेको व्यक्तिको परीक्षण गर्न सहज हुनेछ।

किटको अभाव हुँदा कोरोना परीक्षणको दायरा बढाउन सकिएको थिएन। किटको भेरिफिकेसनपछि मात्र प्रयोगमा ल्याइने भएको छ।
किट अभाव भएपछि सम्भावित कोरोना सक्रमणका बिरामीलाई परीक्षण गर्ने बाटो खुलेको छ।

 

बैशाख २४, २०७८ मा प्रकाशित
प्रतिक्रिया दिनुहोस्