गण्डकी प्रदेशमा पृथ्वी सुब्बा गुरुङको सरकार ढल्यो

फाइल तस्बिर

काठमाडौँ – गण्डकी प्रदेशमा मुख्यमन्त्री पृथ्वीसुब्बा गुरुङ नेतृत्वको सरकार ढलेको छ।

गुरुङले बिहीबार लिइएको विश्वासको प्रस्तावमा बहुमत नपुगेपछि एमाले नेता गुरुङ नेतृत्वको सरकार ढलेको हो।

सरकार टिकाउनका लागि ६० सदस्यीय प्रदेशसभामा ३१ मत आवश्यक पर्ने भए पनि उनले जम्मा २७ मत पाएका छन्।

विपक्षमा ३० मत परेको छ। प्रदेशसभा बैेठकमा ५८ जना उपस्थित भए पनि जम्मा ५७ जनाले मतदान गरेका छन्।

एक जना तटस्थ बसेका छन्। राजीव गुरुङ (दीपक मनाङे) मतदानमा अनुपस्थित भए।

जेठ २७, २०७८ मा प्रकाशित
प्रतिक्रिया दिनुहोस्