बाढीले पाँचजना बेपत्ता पारेको हेलम्बुको सुनसान हाल्दे गाउँ

फाइल तस्बिर

हेलम्बु (सिन्धुपाल्चोक) – सिन्धुपाल्चोकको हेलम्बु गाउँपालिका–१ को हाल्देमा हेलम्बुमा नदीमा आएको बाढीले पाँचजना बेपत्ता पारेपछि बस्ती खाली भएको छ ।

बाढीका कारण गाउँ खाली छ । सञ्चार तथा सडक सञ्जालमा क्षति पुग्दा गाउँ सम्पर्कबाट बाहिर छ ।

बेपत्ताका आफन्तसहित हाल्देका स्थानीयहरु सुरक्षित स्थानमा गएका छन् । समस्यामा रहेका बासिन्दाको सेवाका लागि स्थानीय तहले आफूसँग भएको स्रोत साधानबाट केही पहल गरे पनि प्रदेश तथा संघ सरकारको उपस्थिति भने शून्य प्रायः छ ।

गाउँपालिकाका अध्यक्ष निमा ग्याल्जेन शेर्पाले आफूहरुको स्रोतले भ्याउने र सम्भव भएसम्मको पहल गरेको तर अब प्रदेश तथा संघ सरकारकै भर रहेको बताएका छन् ।

वडा नम्बर १ का अध्यक्ष मिङमार लामाले हेलिकप्टर मार्फत राहत सामग्री ल्याउने प्रयास भइरहेको जानकारी दिएका छन् । हाल्दे गाउँदमा टेन्टसहित राहत सामग्री लैजानका लागि पहल गरिरहेका छन् ।

हाल्दे गाउँबाट बाढीमा बेपत्ता हुनेमा २१ वर्षका सुनिल तामाङ, २८ वर्षका पूर्ण तामाङ, ५५ वर्षका कामी तामाङ, ८० वर्षका नरकी तामाङ र ९० वर्षका तस्बिर तामाङ रहेका छन् ।

असार ६, २०७८ मा प्रकाशित
प्रतिक्रिया दिनुहोस्