बाढीका कारण यसरी क्षतविच्छेद बनेको मेलम्ची–हेलम्बु सडक कहिले बन्ला? (स्थलगत भिडियो रिपोर्ट)

हेलम्बु– गत साता आएको भीषण बाढीले सिन्धुपाल्चोकको मेलम्ची नगरपालिका र हेलम्बु गाउँपालिका नदी आसपासका क्षेत्रमा अपूरणीय क्षति पुर्‍याएको छ। बाढीले खेतीयोग्य जमिन, बस्ती र सडकलाई क्षतविच्छेद बनाइदिएको छ।

बाढीका कारण बेपत्ता १६ जना भेटिने अब कुनै संकेत छैन। परिवारले परालको शव बनाई जलाइसकेका छन्। उठिबास भएका घरधनी र डेरावालाहरुको आँसु रोकिएको छैन।

सेमेसिदाङ हिमालमुनिको भेमाथाङको चौर खसेपछि नदीले बाढीको रुप लिएको थियो, असार १ गते साँझ करिब सात बजे। बाढीले यो क्षेत्रमा बसोबास गर्दै आएका मानिसहरु यतिबेला कोही नगरपालिका र गाउँपालिकाको शरणमा छन्। कोही आफन्त र छिमेकीमा आश्रित छन्। कोही नढलेका तर बेकामे आफ्ना घरहरुबाट सामाना निकाल्दै छन्, सेना र छिमेकीको सहयोगमा।

तर बाढीले सडक नै काटेपछि उनीहरुको आवागमन ठप्प छ। कष्टकर बनेको उनीहरुको दैनिकीमा सडक अभावले थप सास्ती पुगेको छ। वास्तवमा बाढीका कारण मेलम्ची–हेलम्बु सडक कुन अवस्थामा पुगेको छ त ? त्यसबारे तयार पारिएको यो स्थलगत भिडियो रिपोर्टः

असार १०, २०७८ मा प्रकाशित
प्रतिक्रिया दिनुहोस्