जसपा सांसद ढेगा पार्टी सम्पर्कमा, भन्छिन्–म तनावमा छु

बुटवल – आइतबारदेखि सम्पर्कबिहीन जनता समाजवादी पार्टी (जसपा) का अध्यक्ष उपेन्द्र यादव पक्षकी लुम्बिनी प्रदेश सांसद पुर्मती ढेगा पार्टीको सम्पर्कमा आएकी छिन् ।

जसपाले सांसद ढेगा आइतबार बिहान ११ बजेदेखि बेपत्ता भएको भन्दै इलाका प्रहरी कार्यालय बुटवलमा उजुरी दिएको थियो । जसपाले सत्तारूढ दल नेकपा एमालेले आफ्नो पक्षमा बहुमत कायम गर्न सांसदको अपहरण गरेको आरोप लगाएको छ ।

जसपाका प्रदेश अध्यक्ष अशोक यादवले आइतबार बिहानदेखि सांसद ढेगा सम्पर्कबिहीन भएको बताएका थिए । सोमबार पार्टीको सम्पर्कमा आएको जसपा लुम्बिनी प्रदेशका नेता यज्ञ पोखरेलले जानकारी दिए।

ढेगाले आफू तनावमा रहेको र समस्यामा परेको बताएको पोखरेलले जानकारी दिए ।

पाल्पाकी ढेगा जसपाकी समानुपातिक सांसद हुन् । ६ जना सांसद प्रदेशसभा रहेको जसपाका यस अगाडि महन्थ ठाकुर पक्षका चारजना मन्त्री बनेका थिए ।

त्यसमध्येकी भौतिक पूर्वाधार राज्यमन्त्री सुमन शर्मा रायमाझीले राजीनामा दिएर यादव पक्षमा लागेकी छन् । उनले राजीनामा दिएपछि पोखरेल सरकार अल्पमतमा छ ।

साउन ११, २०७८ मा प्रकाशित
प्रतिक्रिया दिनुहोस्