तुइन काटिएको घटनामा अनुसन्धान जारी छ, भ्रम सिर्जना हुने सूचना सम्प्रेषण नगरिदिनूः गृहमन्त्रालय

काठमाडौँ– गृह मन्त्रालयले तुइनबाट महाकाली नदी तर्ने क्रममा भारतीय सीमा सुरक्षा बल (एसएसबी)ले तुइन काट्दा जयसिंह धामी बेपत्ता भएको घटनाप्रति गम्भीर ध्यानाकर्षण भएको जनाएको छ।

गृह मन्त्रालयले शनिबार विज्ञप्ति जारी गर्दै उक्त प्रकरणबारे बुझ्न स्थानीय प्रशासन तथा सुरक्षाकर्मीलाई निर्देशन दिइसकेको भन्दै आवश्यक जाँचबुझ गर्ने काम भइरहेको जनाएको छ।

उक्त घटना अनुसन्धानकै क्रममा रहेकोले भ्रम सिर्जना हुनेगरी सूचना सम्प्रेषण नगर्न पनि अनुरोध गरेको छ। शुक्रबार बिहान तुइनबाट महाकाली नदी तर्ने क्रममा एसएसबीले तुइन काटिदिँदा धामी बेपत्ता भएका थिए।