अफगानिस्तान संकट

काबुल विमानस्थल अझै अस्तव्यस्त

अफगानिस्तानको राजधानी काबुलमा रहेको हामिद कारजाई अन्तर्राष्ट्रिय विमानस्थल बाहिरको अवस्था अझै पनि अस्तव्यस्त रहेको छ ।

अमेरिकासहितका पश्चिमा देशहरुले आफ्ना कर्मचारी तथा नागरिकहरु एवम् सहयोगी अफगानलाई उद्धार गर्ने प्रक्रिया जारी राखेका बेला विमानस्थल अस्तव्यवस्त नै छ ।

विमानस्थलको पहुँचमा नियन्त्रण कायम गरेका तालिबान लडाकुले हवाई फायर गरेर विमानस्थल जाँदै गरेका सर्वसाधारणलाई तितरवितर पारेका छन् ।

पछिल्लो २४ घण्टामा विमानस्थलबाट झण्डै पाँच हजार मानिसको उद्धार भएको छ । विमानस्थल अहिले अमेरिकाबाट तैनाथ भएका सैनिकको विशेष दस्ताले गरिरहेको छ ।

तालिबानले गएको आइतबार अफगानिस्तानमा नियन्त्रण कायम गरेको हो । तालिबानले अप्रत्याशित रुपमा अफगानिस्तानमाथि नियन्त्रण कायम गरेको हो ।

भदौ ३, २०७८ मा प्रकाशित
प्रतिक्रिया दिनुहोस्