साताको सेयर कारोबारः ४७ अर्ब ६७ करोड

काठमाडौँ – धितोपत्र बजारमा यस साता सेयर कारोबार मापक नेप्से परिसूचक उतारचढावपूर्ण रह्यो। यस साता विशेषगरी नेप्सेको ओरालो यात्रा कायम रहन पुग्यो। झण्डै तीन हजार ३ सय विन्दुको नजिक पुगेको नेप्से ओरालो लागेर दुई हजार ९ सय विन्दुमा ओर्लिएको छ।

साताभर कुल २३० कम्पनीको कुल आठ करोड ३२ लाख ९० हजार ८६४ कित्ता सेयर ४७ अर्ब ६७ करोड ८७ लाख ११ हजार ८९ मूल्यमा खरिदबिक्री भए। नेपाल राष्ट्र बैंकले सेयर धितो कर्जामा सीमा लगाएपछि बजारमा त्यसले प्रभाव पारेको अनुमान गरिएको छ।

यस साता कुल चार दिन सेयर कारोबार भयो। सोमबार सार्वजनिक बिदा परेकाले कारोबार भएन। साताको पहिलो दिन निर्जीवन बिमा, जीवन बिमा, लघुवित्त र जलविद्युत् उपसमूहको सेयर मूल्य उच्च अंकले ओरालो लागेपछि धितोपत्र बजारमा सेयर कारोबार मापक नेप्से परिसूचक दोहोरो अंकले ओरालो लाग्यो।

साताको पहिलो कारोबार दिनमा बजार उकालो लाग्ने अनुमानबीच नेप्से ओरालो यात्रा तय गरेको थियो। त्यसदिन नेप्से ४९.१८ विन्दुले ओरालो लागेर तीन हजार ४४.८६ विन्दुमा सीमित भयो। ठूला कम्पनीको सेयर कारोबार मापक गर्ने सेन्सेटिभ परिसूचक ८.५७ विन्दुले घटेर ५६२.८८ मा ओर्लियो। कुल २२७ कम्पनीको दुई करोड ४८ लाख ८८ हजार ३१३ कित्ता सेयर १५ अर्ब ६५ करोड १२ लाख ४४ हजार ५०५ मूल्यमा खरिदबिक्री भए।

कारोबार भएका कुल १३ उपसमूहमध्ये वित्त उपसमूहको मात्रै सेयर मूल्यमा वृद्धि भयो। आइतबारको कारोबारपछि बजार पुँजीकरण रु ४२ खर्ब ५४ अर्ब ३२ करोड १९ लाख दुई हजार ८४६ बराबर कायम भयो।

कारोबारका आधारमा त्यसदिन अरुण भ्याली हाइड्रोपावर शीर्ष स्थानमा रही एक अर्ब ३१ करोड ८३ लाख ४४ हजार ७७८ बराबरको कारोबार भयो। त्यसदिन नारायणी डेभलपमेन्ट बैंक र खानीखोला हाइड्रोपावर कम्पनीको सेयर मूल्यमा १० प्रतिशतले वृद्धि भई सकारात्मक सर्किट लाग्यो।

साताको तेस्रो दिन मंगलबार सेयर बजारमा उच्च अंकको पहिरो लाग्यो र नेप्से र कारोबार रकम दुवै घटे। जीवन बिमा तथा निर्जीवन बिमा समूहको सेयरमा उच्च अंकले गिरावट आएपछि धितोपत्र बजारमा सेयर कारोबार मापक नेप्से परिसूचकमा ठूलो गिरावट आएको छ।

लगातार करेक्सन देखिन थालेको सेयर बजारमा देखिएको गिरावट पछिल्ला दिनमध्ये सबैभन्दा ठूलो हो। झन्डै तीन हजार ३ सय विन्दुको नजिक पुगेको नेप्से ओरालो लागेर दुई हजार ९ सययको विन्दुमा ओर्लियो। नेपाल स्टक एक्सचेन्जका अनुसार नेप्सेमा ६९.०५ विन्दुले घटेर दुई हजार ९७५.८४ मा ओर्लियो।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक १२.३४ विन्दुले घटेर ५५०.५२ मा ओर्लियो। कुल २२७ कम्पनीको दुई करोड ३१ लाख नौ हजार ७१३ कित्ता सेयर १३ अर्ब २५ करोड ९६ लाख ९६ हजार १०७ मूल्यमा खरिदबिक्री भए।

कारोबार भएका १३ वटै उपसमूहको सेयर ओरालो लागेको छ। मंगलबारको कारोबारपछि बजार पुँजीकरणसमेत ४१ खर्ब ५७ अर्ब ८४ करोड ४१ लाख ८० हजारको हाराहारीमा ओर्लियो।

कारोबार भएकामध्ये अरुण भ्याली हाइड्रोपावर शीर्ष स्थानमा रही एक अर्ब एक करोड पाँच लाख ७३ हजार ३८३ बराबरको देखियो।
धितोपत्र बजारमा सेयर कारोबार मापक नेप्से परिसूचक बुधबार झिनो अंकले सुधार भयो।

त्यसदिन नेप्से १.१८ बिन्दुले सुधार भई दुई हजार ९७७.०२ मा पुग्यो। ठूला कम्पनीको सेयर कारोबार मापन गर्ने सेन्सेटिभ परिसूचक ०.१७ विन्दुले बढेर ५५०.६९ मा पुग्यो। कुल २२६ कम्पनीको एक करोड ७१ लाख ८२ हजार ८७१ कित्ता सेयर रु नौ अर्ब ३५ करोड १७ लाख ९९ हजार ६५५ मूल्यमा कारोबार भयो। नेप्सेमा सोमबार र मंगलबार मात्रै झन्डै १२० अंकको गिरावट भएको थियो।

कारोबार भएका कुल १३ उपसमूहमध्ये चार उपसमूहको सेयर उकालो लागेको छ भने नौ उपसमूहको सेयर ओरालो लाग्यो। बैंकिङ ७.८९, होटेल तथा पर्यटन १३०.४३, जीवन बिमा ७४.५९ र लगानी ०.०१ विन्दुले उकालो लाग्यो।

कारोबारका आधारमा त्यस दिन अरुण भ्याली हाइड्रोपावर शीर्ष स्थानमा रही ५९ करोड ९९ लाख ३६ हजार बराबरको कारोबार भयो। बुधबारको कारोबारपछि बजार पुँजीकरण ४१ खर्ब ५९ अर्ब ४९ करोड १४ लाख पाँच हजार ४६४ बराबर पुग्यो।

बिहीबार नेप्सेमा पुनः उच्च अंकको गिरावट देखियो। त्यसदिन नेप्से ५०.१३ विन्दुले घटेर दुई हजार ९२६.८९ मा ओर्लियो। ठूला कम्पनीको सेयर कारोबार मापन गर्ने सेन्सेटिभ परिसूचक ८.९० विन्दुले ओरालो लागेर ५४१.७७ विन्दुमा ओर्लेको छ।

नेप्से ओरोलो लागेसँगै कारोबार रकमसमेत ओरालो लाग्यो। कुल २३० कम्पनीको एक करोड ८१ लाख नौ हजार ९६७ कित्ता सेयर नौ अर्ब ५० करोड ५९ लाख ७० हजार ८२२ मूल्यमा खरिद बिक्री भए।

कारोबार भएका कुल १३ उपसमूहकै सेयर ओरालो लाग्यो। त्यस दिन कारोबारका आधारमा अरुण भ्याली हाइड्रोपावर कम्पनी शीर्ष स्थानमा रह्यो। सो कम्पनीको रु ५७ करोड ४० लाख १२ हजार २९१ बराबरको कारोबार भयो।

सेयर कारोबार हुने साताको अन्तिम दिनको अवस्थामा बजार पुँजीकरण ४० खर्ब ८९ अर्ब ५८ करोड ९४ लाख ६५ हजार ३९ बराबर पुग्यो।

 

भदौ १९, २०७८ मा प्रकाशित
प्रतिक्रिया दिनुहोस्