राप्रपाद्वारा एमसिसीविरुद्ध मसाल जुलुस

सिमकोट – जिल्ला अधिवेशनबाट नयाँ नेतृत्व पाएकै दिन राप्रपा हुम्लाले सरकारले संसदबाट अनुमोदन गर्न लागेको एमसीसीविरुद्ध मसाल जुलुस निकालेको छ। एमसीसी राष्ट्रहितविरुद्ध भएको निष्कर्ष निकाल्दै राप्रपाले मसाल जुलुस निकालेर विरोध जनाएको हो।

एमसीसी राज्य हितमा नदेखिएका कारण विरोधस्वरुप मसाल जुलुस निकालिएको राप्रपा हुम्लाका नवनिर्वाचित अध्यक्ष विकास महतले बताए।

एमसीसी खारेज गर, हिन्दू राज्य जिन्दावाद, राजतन्त्र जिन्दावाद, राज्य बेच्न पाइँदैनलगायत नारा जुलुस लगाइएको थियो। अध्यक्ष महतको नेतृत्वमा मसाल जुलुस निकालिएको थियो।

जुलुसले सिमकोट बजारको परिक्रमा गरेको थियो। पानी परेका कारण जुलुसलाई मसाल सल्काउन समस्या भएको थियो।

भदौ २४, २०७८ मा प्रकाशित
प्रतिक्रिया दिनुहोस्