सर्पले डस्दा दिदीभाइको मृत्यु

सांकेतिक तस्बिर

राजविराज – सप्तरीमा विषालु सर्पले डस्दा एकै परिवारका दिदीभाइको मृत्यु भएको छ। मृत्यु हुनेमा खडक नगरपालिका–२ बेल्हीका १४ वर्षीया सुनिता मण्डल र नौ वर्षीय कृष्ण मण्डल छन्।

घरमा सुतिरहेकै अवस्थामा दुवै जनालाई सर्पले डसेको हो। उनीहरूको उपचारका लागि अस्पताल लैजाने क्रममा बाटोमै मृत्यु भएको वडाध्यक्ष रामअवतार साहले जानकारी दिए।

राति सुतेको अवस्थामा दुवैको मुखबाट फिँज आएको देखेपछि परिवारका सदस्यले उपचारका लागि अस्पताल लगेका थिए।

असोज ६, २०७८ मा प्रकाशित
प्रतिक्रिया दिनुहोस्