ताप्लेजुङ कांग्रेस सभापतिमा गजेन्द्रप्रसाद विजयी

ताप्लेजुङ– नेपाली कांग्रेस ताप्लेजुङको सभापतिमा गजेन्द्रप्रसाद तुम्याहाङ निर्वाचित भएका छन्। चौधौँ जिल्ला अधिवेशनअन्तर्गत आइतबार सम्पन्न निर्वाचनबाट तुम्याहाङ निर्वाचित भएका हुन्।

यस्तै उपसभापतिमा गणेश चोङ्वाङ र डिल्लीरमण बराल, सचिवमा डम्बर हाङ्गाम र नन्दकुमार ओझा निर्वाचित भएका छन्। सहसचिवमा तेज सुनुवार ९(जङ्ग) र नन्दकुमार आङ्बुहाङ निर्वाचित भएको निर्वाचन अधिकृत तिलक पाण्डेले जानकारी दिए।

एक उपसभापतिबाहेक तुम्याहाङको प्यानल नै विजयी बनेको हो। तुम्याहाङसँग पार्टीका पूर्वसचिवसमेत रहेका छविलाल गुरुङ प्रतिस्पर्धामा थिए।

असोज १८, २०७८ मा प्रकाशित
प्रतिक्रिया दिनुहोस्