इन्जुरी समयको गोलले आर्सनललाई जोगायो

इंग्लिस प्रिमियर लिग फुटबल अन्तर्गत सोमबार राति भएको खेलमा आर्सनल हारबाट जोगिएको छ ।

इन्जुरी समयको पाँचौँ अर्थात ९५ औँ मिनेटमा एलेक्सान्ड्र लाकाजेटीले गरेको गोलको सहयोगमा आर्सनलले क्रिष्टल प्यालेससँग बराबरी गरेको हो ।

८ औँ मिनेटमा पिएर एमरिकको गोलबाट सुरुवाति अग्रता लिएको घरेलु टोली आर्सनल त्यसपछि भने पछि परेको थियो ।

क्रिष्टल प्यालेसका लागि ५० औँ मिनेटमा क्रिष्टियन बेन्टेक र ७३ औँ मिनेटमा उड्सन इट्वार्डले गोल गरेका हुन् ।

बराबरीपछि ८ खेलबाट ११ अंक जोडेको आर्सनल १२ औँ स्थानमा छ। ८ अंकसहित क्रिष्टल प्यालेस १४ औँ स्थानमा रहेको छ ।

कात्तिक २, २०७८ मा प्रकाशित
प्रतिक्रिया दिनुहोस्