चारधाम यात्रामा अस्थायी प्रतिबन्ध

मौसम सुधार नभएसम्मका लागि चारधाम तिर्थयात्रामा रोक लगाइएको भारतीय अधिकारीहरुलाई उद्धृत गर्दै स्थानीय सञ्चारमाध्यमले जनाएको छ ।

आइतबारसम्म हरिद्वार र ऋषिकेश पुगेका तिर्थयात्रीहरुलाई मौसममा सुधार नआएसम्म त्यहाँबाट अघि नजान भनिएको हो । हिमाली क्षेत्रका तिर्थस्थलसम्म पुग्ने सवारी साधनको सञ्चालनमा तत्कालका लागि रोक लगाइएको भारतीय सञ्चारमाध्यमले जनाएका छन् ।

भारी वर्षाका कारण जनजीवन प्रभावित हुनेक्रम जारी रहेको भन्दै सम्भावित जोखिम टार्नका लागि उत्तराखण्ड सरकारले चारधाम यात्रामा अस्थायी रुपमा रोक लगाएको हो ।

भारी वर्षासँगै गएको बाढी–पहिरोका कारण पाँचजनाको ज्यान गएको छ । मृत्यु हुनेमा तीन नेपाली भरिया पनि रहेको उल्लेख छ । त्यसपछि स्थानीय अधिकारीहरुले मौसम सुधार नभएसम्मका लागि चारधाम यात्रामा रोक लगाएका हुन् ।

पुरी जिल्लाको सामखलमा टेन्टमा बसेका मजदुरहरुलाई माथिबाट आएको गेग्रानसहितको पहिरोले पुरेको हो । उनीहरु सामखलको निर्माणाधिन होटलमा काम गर्दै आएका थिए ।

कात्तिक २, २०७८ मा प्रकाशित
प्रतिक्रिया दिनुहोस्