सिमकोट – हुम्लास्थित नेपाल टेलिकमको बीटीएसमा आगलागी हुँदा मोबाइल सेवा अवरुद्ध भएको छ।

विद्युत सर्ट भएर आगलागी भएको जनाइएको छ। जीएसएम सेवाका लागि जडान गरिएको बीटीएस बक्समा आगलागी भएको टेलिकमले जनाएको छ।

हुम्लाका प्रहरी नायब उपरीक्षक हेरम्भ शर्माले सिमकोट गाउँपालिका–७ को धारापोरीमा जडान भएको नेपाल टेलिकम बीटीएस बक्समा आगलागी भएको जानकारी दिए। उनले आगलागीले बक्समा पूर्ण क्षति पुगेको बताए।

आगलागीबाट बीटीएस र टावरका अन्य उपकरणसमेत जलेर नष्ट भएका छन्। यसबाट डाँडाफया, माझगाउँ, पानीनाउला, ओख्रोन, ग्वालेखोर, जबुका, धारापोरी, पाम्लाथुङ, लामाखोल्सी, खोली, स्याँडा, याङ्गुलगायतका बस्तीको मोबाइल सेवा अवरुद्ध भएको छ।

प्रहरी नायब उपरीक्षक शर्माका अनुसार टेलिकमको बीटीएस बक्स, उपकरणसँगै टावर जडान गरिएको भाडाको घरमा समेत आगालागी भएको छ। घटनास्थलमा प्रहरी टोली पुगेर क्षतिको विवरण संकलन भइरहेको उनले बताए।

मंसिर १६, २०७८ मा प्रकाशित
प्रतिक्रिया दिनुहोस्