पिपुल्स हाइड्रोपावरको प्रत्याभूतिकर्तामा नागरिक लगानी कोष

काठमाडौँ – पिपुल्स हाइड्रोपावर कम्पनी लिमिटेडको ९६ लाख कित्ता शेयरको ९६ करोड बराबरको प्राथमिक शेयर निष्काशनको शेयर प्रत्याभूतिकर्तामा नागरिक लगानी कोष रहेको छ।

उक्त हाइड्रोपावर कम्पनीको शेयर प्रत्याभूतिकर्तासम्बन्धी सम्झौतामा शुक्रबार कोषका कार्यकारी निर्देशक रमण नेपाल र हाइड्रोपावरका प्रवन्ध सञ्चालक केशवबहादुर रायमाझीले हस्ताक्षर गरेका हुन्।

उक्त हाइड्रोपावरले लमजुङको दोर्दी नदीबाट ५४ मेगावाट विद्युत उत्पादन गर्नेछ। हाइड्रोपावरको निष्काशन तथा बिक्री प्रवन्धको रुपमा सानिमा क्यापिटल रहेको छ।

सम्झौतापत्र आदानप्रदान कार्यक्रममा कोषका विभागीय प्रमुख शोभा श्रेष्ठ, उप–व्यवस्थापक नारायणप्रसाद घिमिरेलगायतका अधिकारी उपस्थित थिए।

मंसिर १८, २०७८ मा प्रकाशित
प्रतिक्रिया दिनुहोस्