काडमाडौँ– दरबार हाइस्कुलमा १२ वर्षदेखि १७ वर्ष सम्मका किशोरकिशोरीले कोरोना भाइरसविरुद्धको खोप लगाएका छन्।

मंगलबारदेखि काठमाडौँ र ललितपुरका विभिन्न स्कुल तथा खोप केन्द्रमा कोरोना भाइरसविरुद्धको फाइजर खोप लगाउन सुरु गरिएको छ।

पछिल्लो समय कोरोना भाइरसको संक्रमण बढ्दै गएपछि शिक्षा, विज्ञान तथा प्रविधि मन्त्रालयले विद्यालय बन्द गरेपनि मन्त्रालयले अभिभावकलाई आफ्ना बालबालिकालाई खोप लगाउन खोप केन्द्र लिएर जान अनुरोध गरेको छ।

यो खोपको पहिलो मात्रा लगाएको चार हप्तापछि दोस्रो मात्रा खोप लगाइने मन्त्रालयले जनाएको छ।

दरबार हाइस्कुलमा फाइजर खोप लगाउँदै गरेका किशोरकिशोरीका तस्बिर देशसञ्चारका फोटो पत्रकार सुलभ श्रेष्ठले आफ्नो क्यामेरामा कैद गरेका छन्ः