शक्तिशाली ज्वालामुखी विस्फोटपछि न्यूजिल्याण्ड, फिजी, टोंगालगायतका देशमा सुनामीको खतरा

सञ्चार संवाददाता

न्यूजिल्याण्ड, फिजी र टोंगालगायत कयौँ देशमा भएको शक्तिशाली ज्वालामुखी बिस्फोटनपछि सुनामी आउने खतरा देखिएको छ। यो ज्वालामुखीको बिस्फोटन पानीभित्र भएको थियो।

टोंगाबाट सामाजिक सञ्जालमा सार्वजनिक भएका तस्बिरहरुमा पानीको छालहरु कयौँ घर र चर्चको माथिबाट बगिरहेको देखिइरहेको छ। प्रत्यक्षदर्शीहरुका अनुसार टोंगाको राजधानी नुकुअलोफामा ज्वालामुखीबाट निस्किएको खरानी जहाँतँही छरिएको थियो।


सहरमा बस्ने नागरिकलाई अग्लो ठाउँमा स्थानान्तरण हुनको लागि अनुरोध गरिएको छ। हुँगा टोंगा– हुँगा हापाई ज्वालामुखीमा भइरहेको हलचलपछि यो सबैभन्दा ताजा बिस्फोट हो।

उता फिजीको राजधानी सुवामा ८ मिनेटसम्म भएको ज्वालामुखी विस्फोटको स्वर ठूलो रहेको र यसको आवाज ५०० माइल परसम्म सुनाइदिएको त्यहाँका अधिकारीहरुले बताएका छन्।


टोंगाको भूगर्भ विभागका अनुसार ज्वालामुखीबाट निस्किएको ग्यास, धुँवा र बादल आकाशभन्दा २० किलोमिटर उचाई माथि पुगेका थिए। टोंगाको राजधानी यो ज्वालामुखीभन्दा ६५ किलोमिटर पर रहेको छ।

अष्ट्रेलियाको मौसम विभागका अनुसार १ दशमलव २ मिटर अग्लो सुनामी त्यहाँ आइरहेको देखिएको छ। यही ज्वालामुखीले २३०० किलोमिटर पर रहेको न्यूजिल्याण्डमा पनि तुफान आउने संभावना रहेको छ।

माघ १, २०७८ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू