युक्रेनमा रुसी आक्रमणको विरोधमा रुसभित्रै प्रदर्शन (तस्बिरहरु)

युक्रेनमा गरेको सैन्य आक्रमणको विरोधमा रुसका विभिन्न शहरमा विरोध प्रदर्शन भएका छन् ।

रुसी राष्ट्रपति भ्लादिमिर पुटिनले तीन दिनअघि युक्रेनमाथि सैन्य आक्रमणको घोषणा गरेका थिए । त्यसयता युक्रेनमा युद्ध जारी छ ।

रुसी आक्रमणको विश्वभरबाट निन्दा भइरहेको छ । रुस भित्रै पनि सर्वसाधारणले युद्धको विरोधमा प्रदर्शन गरेका हुन् । उनीहरुले पुटिनलाई युद्ध रोक्न आग्रह गरेका छन् ।

रुसका दुई ठूला शहर मस्को र सेन्टपिटर्सबर्गसहितमा सर्वसाधारणले प्लेकार्डसहित प्रदर्शन गरेका हुन्। प्रदर्शन दबाउन प्रहरी ठूलो मात्रामा तैनाथ गरिएको छ । प्रहरीले १८ सय भन्दा बढी प्रदर्शनकारीलाई पक्राउ गरेको छ ।

फाल्गुन १४, २०७८ मा प्रकाशित
प्रतिक्रिया दिनुहोस्