ओलीले भने- ‘अहिलेको सरकार अवैध सम्बन्धबाट झाडीमा जन्मिएको सरकार हो’

काठमाडौँ- नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवा नेतृत्वको अहिलेको सरकार ‘परमादेशबाट बनेको अवैध सरकार’ भएको बताएका छन्।

एमालेले एमसिसीबारे मंगलबार गरेको पत्रकार सम्मेलनमा अध्यक्ष ओलीले अहिलेको सरकार अवैध सम्बन्धबाट झाडीमा जन्मेको सरकार भएको बताए।

‘अहिलेको सरकार अवैध सम्बन्धबाट झाडीमा जन्मेको सरकार हो, यसलाई हामी कहिल्यै स्वीकार गर्दैनौँ,’ उनले भने।

उनले एमसिसी अब कार्यान्वयनमा जानुपर्ने उल्लेख गर्दै यस क्रममा सार्वभौमसत्ता र राष्ट्रिय हितमा भने कुनै तलमाथि हुन नहुने बताए।

फाल्गुन १७, २०७८ मा प्रकाशित
प्रतिक्रिया दिनुहोस्