युक्रेन र स्कट्ल्याण्डबीचको विश्वकप छनौट प्ले–अफ तत्कालका लागि स्थगित

युक्रेन र स्कट्ल्याण्डबीचको विश्वकप छनौट प्ले–अफ खेल तत्कालका लागि स्थगित भएको छ। मार्च २४ मा खेल हुने तय गरिएको थियो । तर युक्रेनले फिफामा अनुरोध गरेपछि तत्कालका लागि स्थगित गरिएको हो ।

रुसले गरिरहेको आक्रमणका कारण तत्काल खेल्न सक्ने अवस्था नरहेको भन्दै युक्रेनले स्थगित गर्न माग गरेको थियो । सो मागकै आधारमा फिफाले खेल तत्कालका लागि स्थगित गरेको हो ।

यसका कारण मार्च २९ का लागि तय भएको प्लेअफ फाइनल पनि पछि धकेलिने भएको छ । खेलको नयाँ मितिबारे छलफल भइरहेको छ । विश्वकप फुटबल खेल कतारमा आउँदो नोभेम्बर २१ देखि डिसेम्बर १८ सम्म हुनेछ ।

फाल्गुन २४, २०७८ मा प्रकाशित
प्रतिक्रिया दिनुहोस्