काठमाडौँ – बढ्दो सहरीकरणले उपत्यकाका नेपालभाषी (नेवार) हरुको बस्ती म्हासिँदै गएका छन्। २०७२ सालमा गएको भूकम्पले उपत्यकाको मौलिक, ऐतिहासिक, पुरातात्विक महत्वका धरोहरहरुलाई त तहसनहस बनायो नै, काठमाडौँ उपत्यकाका नेवार बस्तीलाई समेत क्षतविक्षत पार्‍यो।

नेपालको इतिहासमा नेपालभाषीहरुको योगदान अतुलनीय छ। ऐतिहासिक पुरातात्विक महत्वको काठमाडौँ उपत्यकाको परिचय र पहिचान नै नेवारी कला, संस्कृति, भाषा, जीवनशैलीले जीवन्त र उँचो बनाइरहेको छ।

यहाँको रहनसहन, जीवनशैली, भाषा र कला–संस्कृतिले संसारकै ध्यान तानेको छ। प्रकृति र मानव सृजित विपतको हन्डर–ठक्कर खाएर पनि उभिइरहेको उपत्यकाका नेवार बस्तीका तस्बिर यहाँ प्रस्तुत गरिएको छ। हेर्नुस्, काठमाडौँ उपत्यकाका नेवार बाहुल्य बस्तीहरु खोकना, बुङमती, कीर्तिपुर, ठेचो, सिद्धिपुर, लुभु, भक्तपुर, पाटनका विभिन्न स्थानका तस्विरहरु।

तस्बिरहरु : नेपाल न्युज एजेन्सी