निर्वाचनमा टेलिकमको अफर

काठमाडौँ – नेपाल टेलिकमले वैशाख ३० गते देशभर हुने स्थानीय निर्वाचन जिएसएम प्रिपेड तथा पोस्टपेड मोबाइल सेवामा निर्वाचन अफर उपलब्ध गराउने भएको छ।

टेलिकमका प्रवक्ता शोभन अधिकारीले शनिबार जारी गरेको प्रेस विज्ञप्तिमा उक्त अवसरमा ९८ मा आवश्यकताअनुसार जुनसुकै नेटवर्कमा पनि प्रयोग गर्न सकिने भ्वाइस अफर र एसएमएस अफरका साथै डाटा अफर प्रयोग गर्न सकिने उल्लेख छ।

उक्त अफर वैशाख २५ देखि जेठ ४ गतेसम्म उपलब्ध हुनेछ।

‘टेलिकमले जुनसुकै नेटवर्कमा पनि कुरा गर्न सकिने भ्वाइस अफर र जुनसुकै नेटवर्कमा पनि एसएमएस पठाउन सकिने एसएमएस अफर उपलब्ध गराउनेछ,’ विज्ञप्तिमा भनिएको छ, ‘तीन दिनसम्म सबै नेटवर्कमा २ सय मिनेट कुराकानी गर्न सकिने २ सय मिनेट भ्वाइस प्याक जम्मा रु ९८ मा उपलब्ध हुनेछ, तीन दिनसम्म जुनसुकै नेटवर्कमा पनि पठाउन सकिने ३ सय वटा एसएमएससहितको ३ सय एसएमएस प्याक पनि ९८ रुपैयाँमा उपलब्ध हुनेछ।’

त्यसैगरी, तीन दिनसम्म प्रयोग गर्न सकिने ६ जिबी डाटा प्याक जम्मा ९८ रुपैयाँमा खरिद गर्न सकिनेछ। वैशाख २५ देखि जेठ ४ गतेसम्म आफ्नो मोबाइलबाट ८ज्ञद्धज्ञछ८ज्ञज्ञ३ डायल गरी वा ‘नेपाल टेलिकम एप’ प्रयोग गरी सो सुविधा खरिद गर्न सकिन्छ। टेलिकमले निर्वाचनका बेला उपलब्ध हुने यस अफरबाट ग्राहकले उल्लेख्य लाभ प्राप्त गर्ने अपेक्षा गरेको छ।

बैशाख २४, २०७९ मा प्रकाशित
प्रतिक्रिया दिनुहोस्