धनगढी- कैलालीको गोदावरी नगरपालिकामा १०१८ मत गणना हुँदा कांग्रेसले अग्रता कायमै राखेको छ।

वडा नम्बर १ र १२ मा गरिएको मतगणनामा नेपाली कांग्रेसका वीरेन्द्र भट्टले ४ सय ८ मत ल्याएका छन् भने उनलाई पच्छ्याइरहेका नेकपा एमालेका गोकण भट्टले ३६३ मत ल्याएका छन्।

वडा नम्बर १ मा ४ सय १८ मत गणना हुँदा कांग्रेसका भट्टले २०४ मत ल्याउँदा एमालेका गोकर्ण भट्टले १२६ मत ल्याएका थिए भने वडा नम्बर १२ मा ६ सय मत गणना हुँदा कांग्रेसका भट्टले २०४ र एमालेका भट्टले २३७ मत ल्याएका छन्।

वडा नम्बर १ को अध्यक्षमा कांग्रेसले अग्रता लिएको छ। वडामा कांग्रेसका गोपाल दत्त भट्टले १४७ मत पाउँदा उनका प्रतिद्वन्द्वी एमालेका शर्मानन्द भट्टले १२१ मत पाएका छन्।

यस्तै, नेकपा माओवादी केन्द्रका दिनेश कुमार शाहले ६२ मत पाएका छन्।

वडा नम्बर १२ मा भने कांग्रेस एमालेले समान मत पाएका छन्। कांग्रेसका उम्मेदवार भीम खड्काले २०८ मत पाएका छन् भने एमालेका उम्मेदवार नन्दु नेपालीले पनि २०८ मत पाएका छन्।

बैशाख ३१, २०७९ मा प्रकाशित
प्रतिक्रिया दिनुहोस्