बुटवल – बुटवल उपमहानगरमा ११ सय मत गन्दा २०५ मत बदर भएका छन्। ११ सय मत गणना हुँदा २०५ मत बदर भएको हो।

बुटवलका निर्वाचन अधिकृत लेखनाथ पौडेलले कुनै पनि निर्वाचन चिन्हमा मतदान नगरेको र दुई वटा पार्टीमा प्यानल मतदान गरेका मतपत्र भेटिएका छन्।

११ सय मतगणना हुँदा दुई पार्टीमा मतदान गरेको मतपत्र समेत भेटिएका छन्। सात वटै रुख र सात वटै हलोमा मतदान गरेका २ वटा मतपत्र भेटिएका छन् भने अन्य सूर्य र हलोमा मतदान गरेका दुई मतपत्र भेटिएका हुन्।

यस्तै बुटवलमा २ सय मतपत्रमा उम्मेदवार नभएका चुनाव चिन्हमा मतदान गरेका छन्। उनका अनुसार सूर्य, हँसिया हथौड़ा, कलम, गिलास, घर चिन्हमा उम्मेदवार नभएको पदमा समेत मतदान भएको हो। उनले मतदाता शिक्षाको अभावले मत बदर भइरहेको बताउँदै यसले मतपरिणाममा प्रभाव पार्ने प्रतिक्रिया दिए।

यसपाली गठबन्धनका कारण प्रमुख, उपप्रमुख, वडाअध्यक्ष र वडा सदस्यमा फरक–फरक चिन्ह छन्। यस्तोमा मतदाताले उम्मेदवार भए/नभएको नबुझी आफूलाई मन परेको दलको चुनाव चिन्हमा मत राख्दा बदर बढेको पौडेलले बताए।

बैशाख ३१, २०७९ मा प्रकाशित
प्रतिक्रिया दिनुहोस्