डोटीको बडिकेदार गाउँपालिकामा कांग्रेस विजयी

फाइल फोटो

काठमाडाैँ- डोटीको बडिकेदार गाउँपालिकामा नेपाली कांग्रेस विजयी भएको छ। नौवटा स्थानीय तह रहेको डोटीमा पहिलो पटक कांग्रेसले आफ्नो विजयको सुरुआत गरेको हो।

निर्वाचन अधिकृत वसन्तबहादुर बोहराका अनुसार कांग्रेसबाट गाउँपालिका अध्यक्षकाका उम्मेदवार भैरवबहादुर साउदले २,३४३ मत प्राप्त गरी विजयी भएका हुन्। उनका निकटतम प्रतिद्वन्द्वी नेकपा एमालेका चक्रबहादुर घर्तीले एक हजार ६८४ मत प्राप्त गरे।

यसैगरी, उपाध्यक्षमा कांग्रेसकै डम्मरीकुमारी विष्ट (कलेल)ले दुई हजार ४०७ मत प्राप्त गरी विजयी भएका छन्। उनका निकटम प्रतिद्वन्द्वी एमालेकी सपना सिराडीले दुई हजार २७६ मत प्राप्त गरेकी छन्।

गठबन्धन दलका तर्फबाट अध्यक्षका उम्मेदवार बनेका नेकपा एकीकृत समाजवादीका भक्तबहादुर साउदले एक हजार ४७१ मत प्राप्त गरेका छन्। गठबन्धनका तर्फबाट उपाध्यक्षको उम्मेदवार बनेकी नेकपा माओवादी केन्द्रकी देवीसरा घर्तीले ८३२ मत प्राप्त गरिन्।

यसैगरी, वडा नं १ बाट वडाध्यक्षमा कांग्रेसका डबलबहादुर बोहरा, वडा नं ३ बाट कांग्रेसकै रामबहादुर गुरुङ, वडा नं २ बाट माओवादी केन्द्रका प्रेमबहादुर घर्तीमगर, वडा नं ४ बाट एमालेका कर्णबहादुर जेठारा, वडा नं ५ बाट एमालेकै पदमसिंह बोहरा विजयी भएका छन्।

जेठ १, २०७९ मा प्रकाशित
प्रतिक्रिया दिनुहोस्