‘बालिका बलात्कार’ गरेर भागेका अभियुक्त बने म्यादी प्रहरी

सांकेतिक तस्बिर

काठमाडौंँ- बालिकालाई बलात्कार गरी फरार रहेका अभियुक्त झापाको गौरीगञ्जमा म्यादी प्रहरीमा काम गरिरहेको अवस्थामा पक्राउ परेका छन् ।

पक्राउ पर्नेमा पर्नेमा उदयपुरको ताप्ली गाउँपालिका ५ का ३० वर्षीय कमलप्रसाद पोख्रेल रहेको जिल्ला प्रहरी कार्यालय झापाका प्रहरी नायव उपरीक्षक वसन्त पाठकले बताएका छन्।

एक १४ वर्षीया बालिकालाई बलात्कार गरेको आरोपमा उनी पक्राउ परेको पाठकले बताएका छन्।

पक्राउ परेका ती युवकले ५ वर्ष अघि २०७४ साल जेठ ३ गते उदयपुरको ताप्लीमा रहेको गहते जंगलमा लगेर बालिकालाई बलात्कार गरेको आरोप छ। बालिका बेहोस भएपछि उनी फरार रहेका थिए ।

फरार रहेका पोख्रेललाई प्रहरीले खोज्ने क्रममा झापाको गौरीगञ्जमा म्यादी प्रहरीमा काम गर्दै गरेको अवस्थामा फेला पारी पक्राउ गरेको पाठकले बताएका छन्।

स्थानीय तह चुनावका लागि झापामा म्यादी प्रहरीका लागि आवेदन दिई छनोट प्रक्रिया पूरा गरेर म्यादी प्रहरीमा कार्यरत रहेकै बेला उनलाई प्रहरीले पक्राउ गरेको हो । प्रहरीले उनलाई पक्राउ गरी थप अनुसन्धानको लागि उदउपुर पठाइएको बताएको छ।

जेठ ७, २०७९ मा प्रकाशित
प्रतिक्रिया दिनुहोस्