लोकदोहोरी गायिका अस्मिता डल्लाकोटी बेलायतमा सम्मानित

काठमाडौँ – लोकदोहोरी गायिका अस्मिता डल्लाकोटी बेलायतमा सम्मानित भएकी छन्।

‘छैटौँ टुबोर्ग राष्ट्रिय रनिङ शिल्ड खुला दोहोरी गीत प्रतियोगिता–२०७८’ कि विजेता डल्लाकोटीलाई धादिङ समाज बेलायतले लण्डनमा सम्मान गरेको हो।

डल्लाकोटीलाई शनिवार धादिङ समाज बेलायतका अध्यक्ष धनबहादुर पार्खीनले खादा तथा प्रमाणपत्रसहित एक समारोहकाबीच लण्डनमा सम्मान गरेका हुन्।

राष्ट्रिय लोक तथा दोहोरी गीत प्रतिष्ठानले आयोजना गरेको प्रतियोगितामा उनले ‘नगरकोट दोहोरी साँझ’ को प्रतिनिधित्व गर्दै राष्ट्रिय रनिङ शिल्ड खुला दोहोरी गीत प्रतियोगिता जितेपछि एकाएक चर्चामा आएकी थिइन् ।

समकालीन लोकदोहरीमा छुट्टै पहिचानसहित सबैले अत्याधिक रूचाईएकी डल्लाकोटी केही हप्ता देखि बेलायतका विभिन्न संघसंस्थाले आयोजना गर्ने कार्यक्रममा व्यस्त रहेकी छन् । उनी नेपालमा समेत अत्यन्तै ब्यस्त र सबैको माग हुने कलाकारमा पर्छिन्।

सम्मान कार्यक्रममा गैरआवासीय नेपाली संघका उपहासचिव रामशरण सिमखडा, सहकोषाध्यक्ष कृष्ण तिमल्सिना लगायत संस्थाका पूर्वअध्यक्षहरु रामबहादुर गुरूड, बम ब्लदेन लगायत संस्थाका पदाधिकारी तथा सदस्यहरूको उपस्थिती रहेको संस्थाका महासचिब बुद्दीबहादुर तामाङले जानकारी दिए ।

जेठ ८, २०७९ मा प्रकाशित
प्रतिक्रिया दिनुहोस्