नायिकामाथि दुर्व्यवहार गरेको आरोपमा पक्राउ परेका लामा ३ हजार धरौटीमा रिहा

तस्बिर : सामाजिक संजाल

काठमाडौँ – अभिनेत्री मिरुना मगरमाथि दुर्व्यवहार गरेको आरोपमा पक्राउ परेका बौद्ध भिक्षु फुर्वा लामा रिहा भएका छन्।

लामा आज तीन हजार धरौटीमा रिहा भएको काठमाडौँका प्रमुख जिल्ला अधिकारी गोविन्दप्रसाद रिजालले जानकारी दिए।

आफूमाथि ब्याड टच गरेको भन्दै चलचित्र कबड्डी–४ की अभिनेत्री मिरुनाले लामालाई प्रहरीको जिम्मा लगाएकी थिइन्।

अभद्र व्यवहार मुद्दामा अनुसन्धान गरिरहेको प्रहरीले जिल्ला प्रशासन कार्यालयमा हाजिर गराएको थियो। प्रजिअ रिजालको आदेशपछि उनी रिहा भएका हुन्।

मिरुनाले आइतबार सुन्धारास्थित सिभिल मलमा आफूमाथि ‘ब्याड टच’ गरेको आरोप लगाएकी थिइन्। उनको मौखिक उजुरीपछि प्रहरीले उनलाई नियन्त्रणमा लिएको थियो।

उक्त घटनापछि उनको रिहाइ र मिरुनाले सार्वजनिक रूपमा माफी माग्नुपर्ने माग गर्दै विरोध प्रदर्शन भइरहेको छ।

जेठ १७, २०७९ मा प्रकाशित
प्रतिक्रिया दिनुहोस्