पाँच वर्षमा धेरै काम गरेँ तर ढुंगेधारामा पानी ल्याउन सकिनँ: चिरिबाबु महर्जन

काठमाडौँ- ललितपुर महानगरपालिकाका प्रमुख चिरिबाबु महर्जनले विगतको कार्यकालको पाँच बर्षमा धेरै काम गरे पनि ‘हिति’ मा पानी ल्याउन नसकेको बताएका छन्।

पद्मसुन्दर जोशीले प्राचीन हिति प्रणालीमाथि लेखिएको वृहत अनुसन्धनात्मक कृति ‘हिति प्रणाली’ प्रकाशीत कार्यक्रममा उनले पाँच वर्षमा धेरै काम गरे पनि हिति अर्थात ढुंगेधारामा पानी ल्याउन नसकेको बताए। यद्यपि प्रयास भने जारी रहेको उनले बताएका छन्।

‘कुनै पनि ढुंगेधारामा पानी झार्न सकिएको छैन। प्रयास जारी छ।’ उनी भन्छन्, ‘ढुंगेधारा र इनारमा पानी आउन पानी प्रणालीलाई व्यवस्थित गर्नुपर्छ।’

उनले काठमाडौँमा एकातिर पानी व्यवस्थापन गर्न नसकेको र अर्कोतिर पोखरीहरुमा जानी सुक्दै जानु दुःखद रहेको बताएका छन्।

काठमाडौँको पानी व्यवस्थापनका लागि हिति प्रणाली एक प्राचीन प्रणाली रहेको उनले बताए।

उनले सम्पदा संरक्षणमा ललितपुर महानगर सधैँ चनाखो रहने उनले बताए।

उनी भन्छन्, ‘हामीले ललितपुर महानगरपालिकालाई स्माट शहर बनाउने भनेका छौँ तर यहाँ भएका कुनै पनि सम्पदालाई नबिगारी हामी स्मार्ट सहर बनाउँछौँ।’

असार २२, २०७९ मा प्रकाशित
प्रतिक्रिया दिनुहोस्