नेप्से परिसूचक दोहोरो अंकले ओरालो

काठमाडाैँ- धितोपत्र बजारमा सेयर कारोबार मापक नेप्से परिसूचक आज दोहोरो अंकले ओरालो लागेको छ। नेपाल स्टक एक्सचेञ्जका अनुसार नेप्से परिसूचक १७.६८ अंकले ओरालो लागेर दुई हजार १०६.१५ मा ओर्लेको हाे।

यस्तै, ठूला कम्पनीको कारोबार मापन गर्ने सेन्सेटिभ परिसूचक ३.४४ अंकले ओरालो लागेर ४०६.११ मा सीमित भएको छ। कूल २१४ कम्पनीको ६५ लाख २७ हजार ४१४ कित्ता सेयर दुई अर्ब ८५ करोड ७० लाख ७२ हजार ९६१ मूल्यमा कारोबार भयो।

कारोबार भएका कूल १३ उपसमूहमध्ये आज दुई उपसमूहको सेयर मूल्य उकालो लागेको छ भने ११ उपसमूहको सेयर मूल्य ओरालो लागेको छ। उत्पादन ५.६४ र सामूहिक लगानी कोष ०.०४ अंकले उकालो लागेको छ।

यस्तै, बैंकिङ ५.८४, व्यापार ११.३८, होटल तथा पर्यटन ४६.१६, विकास बैंक ५२.०३, जलविद्युत् २६.८१, वित्त २४.८४, निर्जीवन बीमा ३६.४८, अन्य ३८.६५, लघुवित्त १७.४८, जीवन बीमा १०१.९२ र लगानी ०.९८ अंकले ओरालो लागेको छ। कारोबारका आधारमा शिवम् सिमेन्ट शीर्ष स्थानमा छ। सो कम्पनीको ‍२० करोड ७१ लाख ६९ हजार ९३५ बराबरको कारोबार भयो।

त्यस्तै, नबिल बैक ‍१० करोड ८५ लाख ४३ हजार १५१, नागरिक लगानी कोष आठ करोड २१ लाख २८ हजार ९६९, नेसनल हाइड्रोपावर ‍सात करोड ६५ लाख ९१ हजार ५४५ र हिमालयन डिस्टिलरी सात करोड १८ लाख ४४ हजार ३४२ बराबरको कारोबार भई शीर्ष पाँचभित्र पर्न सफल भए।

नेप्सेका अनुसार गुराँस लघुवित्त र हिमालयन हाइड्रोपावरको सेयर मूल्यमा १० प्रतिशतले वृद्धि भई सकारात्मक सर्किट लाग्यो। त्यस्तै, युनिलिभर नेपाल ५.५९, आरबिबी म्युचुअल फण्ड ५.१९, समता घरेलु लघुवित्तका लगानीकर्ताले ४.०६ प्रतिशतले कमाए। त्यस्तै, जानकी फाइनान्स ४.३१, एनआइसी एसिया सेलेक्ट फण्ड ३.८४, सिनर्जी पावर ३.५५, एसियन लाइफ इन्स्योरेन्स ३.४२ र कर्णाली डेभलपमेन्ट बैंकका लगानीकर्ताले ३.३१ प्रतिशतले गमुाए।

साउन २३, २०७९ मा प्रकाशित
प्रतिक्रिया दिनुहोस्