बढ्यो सुनको मूल्य, प्रतिताेला कति?

सांकेतिक तस्बिर।

काठमाडाैँ – सुनचाँदी बजारमा आज छापावाल सुनको मूल्य प्रतितोला सात सय रुपाैयाँले बढेर रु ९७ हजार तीन सय तोकिएको छ। पहेँलो धातु अघिल्लो दिन प्रतितोला ९६ हजार छ सय रुपाैयाँमा कारोबार भएका थियो।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु ९६ हजार आठ सय छ। यसको मूल्य अघिल्लो दिन प्रतितोला रु ९६ हजार एक सय थियो।

त्यस्तै, आज चाँदीको मूल्य अघिल्लो कारोबार मूल्यको तुलनामा स्थिर रही प्रतितोला रु एक हजार दुई सय २५ कायम रहेको महासङ्घले जनाएको छ।

अन्तर्राष्ट्रिय बजारमा हुने सुन तथा चाँदीको कारोबार मूल्यको तुलनामा महासङ्घले यहाँ दैनिक कारोबार मूल्य तोक्दै आएको छ।

साउन २७, २०७९ मा प्रकाशित
प्रतिक्रिया दिनुहोस्