श्रीमान्–श्रीमती नै २५ वर्षदेखि प्रधानाध्यापक

सिमकोट – हुम्लामा श्रीमान्–श्रीमती नै २५ वर्षदेखि प्रधानाध्यापकमा कार्यरत हुँदै आएको पाइएको छ। उनीहरू एउटै वडाको फरक विद्यालयमा ०५४ सालदेखि प्रधानाध्यापक छन्।

सिमकोट गाउँपालिका– ८ को स्याँडा गाउँका सैपाल हिमाल माध्यमिक विद्यालयमा देवहादुर बुढा र साँता गाउँको बलभद्र प्राथमिक विद्यालयमा प्रेमकला बुढाले प्रधानाध्यापकको रुपमा काम गर्दै आएका छन्।

तत्कालीन अवस्थामा एसएलसी उत्तीर्ण भएपछि उनी अस्थायी शिक्षक वडाकै कान्ति आधारभूत विद्यालयमा अस्थायी शिक्षक नियुक्त भएकी थिइन्। ०५० सालमा स्थायी भएकी उनी तीन महिनापछि बलभद्र प्राविमा म्याचुअल सरुवा भएकी थिइन्। दुवै जनाको विद्यालय एक घण्टाको दूरीमा छ। बलभद्रकी प्रअ प्रेमकलाले जिम्मेवारी पाएअनुसार काम गरिरहेको बताइन्।

उनको विद्यालयमा बालविकासदेखि कक्षा पाँचसम्म अध्ययन गर्ने १५० जना र सैपाल माविमा ३४५ जना विद्यार्थी अध्ययनरत छन्।

उनले दुवै जना विद्यालयको प्रशासक भएका कारण आपसमा समन्वय गरेर काम गर्न सहज भएको बताइन्। सैपालका प्रधानाध्यापक बुढाले लामो समय विद्यालयको जिम्मेवारी पाउनु गर्वको विषय भएको बताए।

साउन २९, २०७९ मा प्रकाशित
प्रतिक्रिया दिनुहोस्