टुकुचामाथिका संरचना नभत्काउन अल्पकालीन अन्तरिम आदेश

काठमाडौँ – उच्च अदालत पाटनले टुकुचा नखोल्न अल्पकालीन अन्तरिम आदेश दिएको छ।

न्यायाधीश दिपेन्द्रबहादुर बमको एकल इजलासले टुकुचामाथि बनेका घर तत्काल नभत्काउन आदेश दिएको हो।

जेनेक्स इन्भेस्टेमन्ट, उत्तरमान लामा र प्रेसिडेन्ट ट्राभल्स एन्ड टुर्सले आफू बसेको घर महानगरपालिकाले अन्धाधुन्ध भत्काउन लागेको भन्दै उक्त काम रोक्न माग गर्दै भदौ ३१ गते निवेदन दिएका थिए।

निवेदनमाथि सुनुवाइ गर्दै न्यायाधीश बमको इजलासले अल्पकालीन अन्तरिम आदेश दिएको हो।

उच्च अदालतले टुकुचा खोल्नुको कारण समेत पेश गर्न महानगरपालिकको नाउमा आदेश दिएको छ।

अल्पकालीन आदेशलाई के गर्ने भन्ने विषयमा छलफल गर्न दुवै पक्षलाई असोज ५ गते बोलाइएको छ। १३० वर्ष अघि नै टुकुचालाई भूमिगत बनाइएको तथ्य सार्वजनिक भएको छ।

महानगरले त्यसमाथि बनेका संरचनालाई धमाधम भत्काउन थालेपछि घर धनीहरु अदालत जान थालेका छन्।

असोज २, २०७९ मा प्रकाशित
प्रतिक्रिया दिनुहोस्