सेञ्चुरी मिस टिन नेपाल २०२२ को उपाधि प्रतीक्षालाई

काठमाडौँ- सेञ्चुरी मिस टिन नेपाल- २०२२ को उपाधि काठमाडौँकी प्रतीक्षा डंगोलले जितेकी छन्। राष्ट्रिय नाँचघर जमलमा आइतबार आयोजित ग्राण्ड फिनालेमा अन्य प्रतिस्पर्धीलाई पछि पार्दै डंगोलले मिस टिन नेपालको अठारौँ संस्करणको ताज जितेकी हुन्।

प्रतियोगितामा सुस्मिता अधिकारी फर्स्ट रनरअप र सुस्जिता पौडेल सेकेण्ड रनर अप भइन्। काठमाडौँ जेसीजले आयोजना गरेको प्रतियोगितामा खल्ती पब्लिक च्वाइस अवार्ड परिका भण्डारीले जितिन्।

हेल्दी बेस्ट स्किनको अवार्ड पूजा वली, नामी मिस इन्टेलेक्चुअलको अवार्ड विभूषा बस्नेत र डी जिम मिस एथ्लेटको अवार्ड विसुका कोइरालाले जितिन्। त्यस्तै, एनआइसी एसिया मिलनसार अवार्ड सुस्मिता अधिकारी, केटिएम रस बेस्ट वाक सुम्निमा पुरी र कुण्डलिनी ब्यांक्वेट मिस ट्यालेन्टको अवार्ड परिका भण्डारीले जितिन्।

मिस टिनले क्राउनसहित नगद ३० हजार , फर्स्ट रनरअपले २० हजार र सेकेण्ड रनरअपले १० हजार प्राप्त गरे।

उनीहरूले विभिन्न सामाजिक कार्य र परियोजनामा काम गर्ने अवसरसमेत प्राप्त गर्ने आयोजक काठमाडौँ जेसीजका अध्यक्ष अनुप सुनुवारले बताए। प्रतियोगिताले किशोरीहरूको सामाजिक सांस्कृतिक वृत्तिविकासमा मद्दत गरेको उनको भनाइ छ।

असोज १०, २०७९ मा प्रकाशित
प्रतिक्रिया दिनुहोस्