ईसेवाले ल्यायो ‘दशैँको उमङ्ग, डिजिटल सपिङ्गसँग’ उपहार योजना

काठमाडाैँ- नेपालको पहिलो र अग्रणी भुक्तानी सेवा प्रदायक ईसेवाले नेपालीहरूको महान चाड बडादशैँको उपलक्ष्यमा ‘दशैँको उमङ्ग, डिजिटल सपिङ्गसँग’ उपहार योजना सार्वजनिक गरेको छ।

दशैँको बेला आम मानिसलाई अनलाइबाट कारोबार गर्न सहज होस् भन्ने उद्देश्यले दशैँको अवसर पारेर ईसेवाले यस्तो योजना सार्वजनिक गरेको हो।

यो योजना असोज १० गते देखि असोज २४ गतेसम्म सञ्चालन हुनेछ। यस योजना अन्तरगत ईसेवा एपमा रहेको रु एक स्किममा भाग लिइ विभिन्न आकर्षक उपहार प्राप्त गर्न सकिन्छ।

ईसेवा दशैँ स्पेसलमा गइ रु १ मा भाग लिँदा एक जना भाग्यशाली विजेताले काठमाडौँदेखि नयाँ दिल्लीसम्मको हवाइ टिकट प्राप्त गर्न सक्नेछन्। यसैगरी, रु १ मै दुईजना भाग्यशाली विजेताले रियलमी नाइन आई फाइभ जि मोबाईल प्राप्त गर्न सक्नेछन् भने २० जनाले इसेवाको प्रिभिलेज हेल्थ इन्स्योरेन्स् प्याकेज प्राप्त गर्न सक्नेछन्। रु १ अफरमा सहभागी भइ विजेता बन्न नसकेका व्यक्तिहरूको एक रुपैयाँ फिर्ता हुनेछ।

यसैगरी, प्रयोगकर्ताले इसेवामा दशैँ अफर सेग्मेन्टमा गइ विशेष छुटमा टप ब्राण्डहरू सिजी, आइएनए सेन्टर, आइटिटिआइ लगायतका ब्राण्डका मनपर्ने वस्तुहरू खरिद गर्न सकिन्छ।

विशेष छुटमा रेफ्रिजेरेटर,ल्यापटप, वाशिङ्ग मेसिन, माइक्रोवेभ, इलेक्ट्रिक गिजर, हिटर, भ्याकुम क्लिनर, परफ्युम लगायत विभिन्न वस्तुहरू खरिद गरी मौकाको फाइदा उठाउन सकिनेछ।

यसका साथै अफर अवधिभर अन्तराष्ट्रिय गन्तव्यको टिकट काट्दा एक जनाले काठमाडौ कतारको राउण्ड ट्रिप टिकट प्राप्त गर्न सक्नेछन्। यसैगरी इन्टरनेटको बिल तिर्ने प्रयोगकर्तामध्ये मध्ये हरेक दिन एक जनाले शतप्रतिशत क्यासब्याक प्राप्त गर्नेछन्।

यस्तै, दराज डिस्काउन्ट भौचरमार्फत एक सयदेखि एक हजार एकसयसम्मको खरिद गर्दा २५० रिवार्ड पोइन्ट, दुईसय देखि २१ सय सम्म ५ सय, ५ सय देखि ५१ सय सम्मको खरिदमा १२५० रिवार्डपोइन्ट पाउन सकिन्छ।

यस अफरअन्तरगत ईसेवामार्फत क्यूआर गर्दा गोकर्ण रिसोर्टमा ५ प्रतिशत,क्लव हिमालयमा १० प्रतिशत, हाम्रो श्रृंगारमा ५ प्रतिशत, टिएस आरमाोराईमा २० प्रतिशत छुट प्राप्त गर्न सकिनेछ।

इसेवाले हाल एण्ड्रोइड मोबाईलमा ५५ लाख र आइओस् मोबाइलमा करिब १० लाख गरी ६५ लाख बढि ग्राहकलाई एप्स् मार्फत सेवा प्रदान गरिरहेको छ।

असोज १३, २०७९ मा प्रकाशित
प्रतिक्रिया दिनुहोस्