पुरुष भलिबलको स्वर्णका लागि एपिएफ र आर्मी भिड्ने

पाेखरा – नवौं राष्ट्रिय खेलकुद प्रतियोगिताअन्तर्गत पुरुष भलिबलको फाइनलमा एपिएफ र आर्मी प्रतिस्पर्धा गर्ने तय भएको छ।

पोखरा रंगशालास्थित भलिबल कोर्टमा बुधबार भएको सेमिफाइनलमा त्रिभुवन आर्मीले अर्को विभागिय टिम नेपाल पुलिसलाई ३-१ ले पराजित गर्दै फाइनलमा पुग्दा एपिएफले गण्डकीलाई ३-० ले पराजित गर्दै फाइनलमा स्थान बनायो।

आर्मीले पहिलो सेट २५-१८ ले आफ्नो पक्षमा पार्दा दोस्रो सेट २१-२५ ले गुमाएको थियो। तर त्यसपछिको दुई सेटमा लगातार दुई सेटमा जित निकाल्दै खेल ३-१ ले आफ्नो पक्षमा पारेको थियो। तेस्रो सेट २५-२३ ले जितेको आर्मीले चौंथो सेट २५-१९ ले आफ्नो पक्षमा पारेकी हुन्।

त्यस्तै, बुधबार नै भएको अर्को खेलमा एपीएफले गण्डकी प्रदेशलाई ३-० को सोझो सेटमा पराजित गर्यो। पहिलो सेट २५–१९ ले आफ्नो पक्षमा पारेको एपीएफले दोस्रो र तेस्रो सेट २७-२५ र २५-१२ ले आफ्नो पक्षमा पार्यो। एपीएफले स्वर्णका लागि विभागीय टोली त्रिभुवन आर्मीसँग बिहीबार खेल्नेछ।

कात्तिक २, २०७९ मा प्रकाशित
प्रतिक्रिया दिनुहोस्