बोलाउँदै छ निर्वाचनले
मताधिकारको उपयोगका खातिर।
हे युवा, छौ कता?
सही निर्णयका लागि सुसूचित छौ नि, होइन र?

सबै जाति, धर्म, वर्ग अनि लिंग
लोकतन्त्रको चाड हो चुनाव।
गराैँ मताधिकारको प्रयोग
हाम्रा होइन, राम्रालाई जिताउन अब।।

को–को उठे, के–के भने
तिनका के हुन्, कर्तव्य र अधिकार?
यो सबै जाँच–पड्तालको
तिम्रै हो है अख्तियार।।

बग्रेल्ती छन् घोषणा, वाचा र संकल्प
झुटका ठेली, गफका पुलिन्दा।
मत शक्तिको अवमूल्यन गर्नेहरूलाई
राजकाज जिम्मा नदेऊ है, अब आइन्दा।।

बोलाउँदै छ निर्वाचनले
मताधिकारको उपयोगका खातिर।
हे युवा, छौ कता?
सही निर्णयका लागि सुसूचित छौ नि, होइन र?

कात्तिक १८, २०७९ मा प्रकाशित
प्रतिक्रिया दिनुहोस्