कतार विश्वकप: समूह ‘जी’ र ‘एच’ का चार खेल हुँदै

फाइल तस्बिर।

कतार विश्वकपमा बिहीबार चार खेल हुँदैछन्। फिफा विश्वकप फुटबलअन्तर्गत समूह ‘जी’ र ‘एच’का खेल हुनेछन्।

पहिलो खेलमा समूह ‘जी’ मा रहेको स्विजरल्याण्ड र क्यामरुनबीच प्रतिस्पर्धा हुनेछ।

यी दुई टिमबीच अपरान्ह ३:४५ मा प्रतिस्पर्धा हुनेछ। यस्तै, दोस्रो खेलमा समूह ‘एच’ को उरुग्वेले एसियन प्रतिद्वन्द्वी दक्षिण कोरियाको सामना गर्दैछ। उरुग्वे र दक्षिण कोरियाबीचको खेल साँझ ६:४५ मा हुनेछ।

त्यस्तै, विश्वकपअन्तर्गत नै बिहीबार हुने तेस्रो खेलमा उपाधि दाबेदार पोर्चुगल र घानाबीच प्रतिस्पर्धा हुनेछ।

समूह ‘एच’ मा रहेको पोर्चुगल र घानाबीचको खेल राति ९:४५ मा सुरु हुनेछ।

त्यस्तै, बिहीबार हुने चौथो खेलमा ब्राजिलले सर्बियाको सामना गर्दा समूह ‘जी’ मा रहेको ब्राजिल र सर्बियाबीचको खेल राति १२:४५ मा सुरु हुँदैछ।

मंसिर ८, २०७९ मा प्रकाशित
प्रतिक्रिया दिनुहोस्