किसान श्रेष्ठलाई बारावासीले चाँदीको मुकुट लगाएर गरे स्वागत

वीरगञ्ज- बाराबाट चुनाव जितेका नवनिर्वाचित किसान श्रेष्ठलाई बारावासीले चाँदीको मुकुट लगाएर स्वागत गरेका छन्।

श्रेष्ठलाई विश्ररामपुर गाउँपालिका-५ इटियाहीका स्थानीयले चाँदीको मुकुट लगाएर स्वागत गरेका हुन्।

जितेपछि आफ्नो क्षेत्रका मतदाताहरूसँग भेट्न घरदैलोमा पुगेका उनलाई स्थानीयले स्वागत गरिरहेका छन्।

उनीसँगै प्रदेशसभा सदस्यमा निर्वाचित भएका जितेन्द्र सोनललाई पनि स्थानीयले चाँदीको मुकुट लगाएर स्वागत गरेका थिए।

गत मङ्सिर ४ मा भएको निर्वाचनमा श्रेष्ठ बारा क्षेत्र नम्बर ४ बाट प्रतिनिधिसभा सदस्यमा निर्वाचित भएका हुन्।

नेकपा एकीकृत समाजवादीका नेता रहेका उनले पाँच दलीय गठबन्धनबाट उम्मेदवारी दिएर निर्वाचित भएका हुन्।

यस्तै, सोनल भने सोही क्षेत्रको (ख) बाट प्रदेशसभा सदस्यमा जितेका हुन्।

लोसपाका नेता सोनल पनि पाँच दलीय गठबन्धनबाट नै उमेदवार भए जितेका हुन्।

मंसिर १२, २०७९ मा प्रकाशित
प्रतिक्रिया दिनुहोस्