चोरीको मोटरसाइकलमा सवार दुई जना पक्राउ

जनकपुरधाम – सप्तरी प्रहरीले चोरीको मोटरसाइकलमा सवार दुई जनालाई नियन्त्रणमा लिएको छ।

पक्राउ पर्नेमा सप्तरीको महादेवा गाउँपालिका–१ बस्ने २० वर्षीय दुर्गेश सरदार र राजबिराज नगरपालिका १० बस्ने ४० वर्षीय शम्भु यादव रहेको जिल्ला प्रहरी कार्यालय सप्तरीले जनाएको छ।
शनिबार साँझ तिलाठी कोईलाडी गाउँपालिका ७ स्थित कुनौली भंसार कार्यालयको अगाडि सोही पालिका–१ का मो.हरुनले पार्किङ्ग गरेर राखेको प्र २–०१–००३ प ०१२६ नम्बरको मोटरसाइकल चोरी भएको थियो।

सो मोटरसाइकल खोजी गर्ने क्रममा आइतबार तिलाठी कोईलाडी १ स्थित चोरीको मोटरसाइकलमा सवार भएर आइरहेको अवस्थामा दुबैजनालाई नियन्त्रणमा लिएको प्रहरी प्रवक्ता प्रहरी नायव उपरीक्षक नरेशकुमार सिंहले जानकारी दिए।

यस सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ।