धनुषाबाट पेस्तोलसहित एकजना पक्राउ
सांकेतिक तस्बिर
जनकपुरधाम – धनुषामा पेस्तोलसहित एक जना पक्राउ परेका छन्। पक्राउ पर्नेमा धनुषाको मिथिला नगरपालिका वडा नं. ७ का २८ वर्षीय रौशन महतो रहेको मधेस प्रदेश प्रहरी कार्यालय जनकपुरले जनाएको छ।
बिहीबार राति ८ बजे मिथिला–२ नकटाझिझ चौकस्थित इलाका प्रहरी कार्यालय महेन्द्रनगरबाट खटिएको प्रहरी टोलीले शंकाको आधारमा महतोलाई चेकजाँच गर्दा माउजर पेस्तोल १ थान, लोड गरिएको गोली २ थान र १ थान म्याग्जिन बरामद गरिएको प्रहरी उपरीक्षक सुमन कुमार तिम्सिनाले जानकारी दिए।
पक्राउ परेका महतोलाई जिल्ला प्रहरी कार्यालय धनुषामा बुझाइ थप अनुसन्धान भइरहेको मधेस प्रदेश प्रहरी कार्यालयले जनाएको छ।
