बाघको आक्रमणमा परी बारामा एक महिला घाइते

फाइल तस्बिर

वीरगञ्ज- बाघको आक्रमणमा परी बारा जिल्लामा एक महिला घाइते भएकी छन्। जीतपुर-सिमरा उपमहानगरपालिका- १४ बोरिङ टोल बस्ने ३६ वर्षीया प्रमिला थिङ घाइते भएकी हुन्।

सोही टोलस्थित हलखोरिया साझेदारी बनमा दाउरा काटिरहेकी उनीमाथि बाघले आक्रमण गरेको थियो।

थिङको गाला र टाउकोमा चोट लागेको बाराका प्रहरी प्रवक्ता डिएसपी पुरुषोतम प्रसाद पाण्डेले जानकारी दिए।

घाइते भएकी उनको नेसनल मेडकल कलेज वीरगञ्जमा उपचार भइरहेको तथा उनको अवस्था मध्यम रहेको पाण्डेले बताए।

जेठ १०, २०८० मा प्रकाशित
प्रतिक्रिया दिनुहोस्