सुनसरीबाट दुई लाख रुपैयाँ बराबरको पटाका बरामद

मोरङ – सुनसरीमा सशस्त्र प्रहरी बलको टोलीले २ लाख रुपैयाँ बराबरको पटाका बरामद गरी नष्ट गरेको छ।

सशस्त्रको नम्बर ४ गणले आइतबार पत्रकार सम्मेलन गरी भोक्राहा नरसिंह गाउँपालिकाको घिर्नी पुलनजिकको खेतबाट बेवारिसे अवस्थामा पटाका फेला पारेको जनाएको हो।

गणका प्रहरी नायब उपरीक्षक प्रेम सिग्देलले गाउँपालिकाको ४ नम्बर वडास्थित घिर्नी पुलनजिकको खेतमा २ लाख २४ हजार रुपैयाँ बराबरको पटाका बरामद भएको जानकारी दिए।

उनले चाडवाड नजिकिँदै गर्दा पटाकाजन्य पदार्थ, भन्सार छलीका सामानको कारोबार बढ्नसक्ने हुँदा सीमा क्षेत्रमा कडाइ गरिएको बताए।