शान्तिनगर पुलबाट बाइक खस्दा एक जनाको मृत्यु, एक घाइते

काठमाडौं- नयाँबानेश्वरको शान्तिनगरस्थित पुलबाट बाइक तल खस्दा एक जनाको मृत्यु भएको छ ।

आइतबार बिहान करिब ५ बजे शान्तिनगरस्थित निर्माणाधीन पुलबाट बाइक खस्दा एक जनाको ज्यान गएको र एक जना घाइते भएको प्रहरीले जनाएको छ ।

प्रहरीका अनुसार घाइते एक जनाको सिभिल अस्पतालमा उपचार भइरहेको छ। घटनास्थलमा यतिबेला प्रहरी पुगेर पुलको तल खाडलमा खसेको बाइक निकालेको छ ।

दुर्घटनामा घाइते र मृतकको अझै सनाखत हुन सकेको छैन । अनुसन्धान जारी रहेको प्रहरीले जनाएको छ ।