मोटुल लुब्रिकेन्टलाई अब आईएमई ग्रुपले बिक्री गर्ने 

काठमाडौँ – लुब्रिकेन्ट्स ब्रान्ड मोटुललाई नेपाली बजारमा आईएमई ग्रुपले बिक्री वितरण गर्ने भएको छ। लामो समयदेखि नेपाली बजारमा उपलब्ध रहँदै आएको मोटुललाई अबदेखि आधिकारिक रुपमा बिक्री वितरण गर्न कम्पनीले आईएमई ग्रुपलाई बिक्रेताको रुपमा नियुक्त गरेको हो।

बिक्रेतामा नियुक्त भएसँगै कम्पनीले मोटुलको बजारलाई देशभर विस्तार गर्ने जनाएको छ । आईएमई ग्रुप अन्तर्गतको अटोमोटिभ डिभिजनका सिईओ हेमन्त पुरानिकका अनुसार गुणस्तरीय र उच्च प्रविधियुक्त उत्पादन उपलब्ध गराउने कम्पनीको प्रतिबद्धता अनुरूप मोटुलसँग सहकार्य गरिएको हो।

‘मोटुलजस्तो विश्व प्रख्यात लुब्रिकेन्ट्स ब्रान्डसँग जोडिएर व्यावसाय गर्न पाउँदा हामी एकदमै उत्साही बनेका छौ । साथै यो ब्रान्डको बजार नेपालभर विस्तार गरेर ग्राहकलाई गुणस्तरीय लुब्रिकेन्ट्स उपलब्ध गराउन प्रतिबद्ध समेत छौ’ उनले भने।  

१७० वर्ष पुरानो यो फ्रेन्च ब्रान्ड विशेषतः हाई पर्फमेन्स इन्जिन आयलको उत्पादनमा अग्रणी रहँदै आएको छ।
टु–ह्विलरदेखी हेभी ड्यूटी कमर्सियल भेहिकल सम्ममा प्रयोग गर्न मिल्ने बिभिन्न रेन्जका प्रिमियम लुब्रिकेन्ट्स मोटुलले उत्पादन गर्दै आएको छ । यी सबै रेन्ज नेपाली बजारमा समेत उपलब्ध हुने आईएमई ग्रुपको भनाइ छ ।

मंसिर १३, २०८० मा प्रकाशित
प्रतिक्रिया दिनुहोस्