नेपाल सुपर लिग: पोखरा र ललितपुरले अङ्क बाँडे

काठमाडौं- नेपाल सुपर (एनएसएल) मा बुधबार पोखरा थन्डर्स र ललितपुर सिटी एफसीले गोलरहित बराबरी खेल्दै अङ्क बाँडेका छन्। जारी प्रतियोगितामा पहिलो पटक गोलरहित बराबरी भएको हो।

दुबै टिमले गोलका राम्रा अवसर निकालेपनि गोल भने गर्न सकेनन्। तुलनात्मक रुपमा पोखराले खेलमा बलमा पकट राख्दै बढी गोलका अवसर सिर्जना गरेको थियो।

ललितपुर भने बुटवल विरुद्धको उत्कृष्ट लयलाई कायम राख्नन असफल भयो। ललितपुरका विदेशी स्ट्राइकर पापा केबे घाइते भएर पहिलो हाफमै मैदान छाडेपछि टोली मानसिक दबाबमा देखिएको थियो।

खेलमा पोखराले पहिलो हाफमा आधा दर्जन मौका बनाएपनि सदुपयोग गर्न सकेन। छैठौं मिनेटमा पोखराका फ्रान्कलिन टाल्लाको लङ पासलाई मोसेस ग्याबाले गरेको उत्कृष्ट प्रहार पोस्टमा लागेर फर्किदा सुरुवाती अग्रताबाट पोखरा चुकेको थियो।

सिमित अवसरमा ललितपुरले पनि गोलका मौका बनाएपनि गोल गर्न भने असफल रह्यो। उसका निखिल कदम, इजीकिएलले गोलका अवसर सदुपयोग गर्न सकेका थिएनन्।

पहिलो हाफको तुलनामा दोस्रो हाफ थप फितलो बन्दा दुबै टिमले गोल गर्न सकेनन्। यसअघि दुबै टिमले आफ्नो पहिलो खेलमा जित दर्ता गरेका थिए। दुवै टोलीको समान दुई खेलमा समान चार अंक रहेको छ।

मंसिर १३, २०८० मा प्रकाशित
प्रतिक्रिया दिनुहोस्