इतिहासमा पहिलो पटक इरानले अन्तरिक्षमा ३ वटा उपग्रह एकसाथ प्रक्षेपण गर्‍याे

इरानले आइतबार आफ्नो अन्तरिक्ष इतिहासमा पहिलो पटक एकैसाथ तीनवटा घरेलु विकसित उपग्रहहरू अन्तरिक्षमा पठाएको छ।

उपग्रहहरूलाई पृथ्वीको सतहबाट न्युनतम ४५० किलोमिटर उचाइमा अण्डाकार कक्षमा प्रक्षेपण गरिएको जनाइएको छ।

ती तीनवटा भू-उपग्रहमा एउटा सञ्चार तथा अनुसन्धान उपग्रह महदा र दुईवटा नानोस्याटलाइट केहान-२ र हतेफ-१ समावेश छन्।

स्वदेशी निर्मित प्रक्षेपण यान सिमोर्ग (फिनिक्स) सेमनान प्रान्तबाट प्रक्षेपण गरिएको हो।

महदाको प्राथमिक मिसन भनेको धेरै कार्यमा सिमोर्गको कार्यसम्पादनको मूल्यांकन गर्नु र अन्तरिक्षमा नयाँ डिजाइन र प्रविधिहरूको मूल्यांकन गर्नु हो।

माघ १५, २०८० मा प्रकाशित
प्रतिक्रिया दिनुहोस्