बाँसबारी जग्गा प्रकरणः पक्राउ परेका चाैधरी चिरायू अस्पताल भर्ना

काठमाडाैँ – बाँसबारीस्थित १० रोपनी सरकारी जग्गा हिनामिना गरेको आरोपमा पक्राउ परेका व्यवसायी अरुण चौधरी चिरायु अस्पताल भर्ना भएका छन्।

काठमाडौँ जिल्ला अदालतले चौधरीलाई चार दिन थुनामा राखेर अनुसन्धान गर्न अनुमति दिएको थियाे। उनी अस्वस्थताको कारण देखाउँदै चिरायु अस्पताल भर्ना भएका हुन्।

उनलाई नेपाल प्रहरीको केन्द्रीय ब्यूरो (सीआईबी)ले बिहीबार काठमाडौँको लैनचौरबाट पक्राउ गरेको थियो।

यस्तै, अदालतले सोही प्रकरणमा पक्राउ परेका बाँसबारी छाला जुत्ता कारखानाका तत्‍कालीन अध्यक्ष अजितनारायण सिंह थापालाई पनि चार दिन थुनामा राख्न अदालतले अनुमति दिएको छ।

यस्तै, पक्राउ परेका सीजी चाँदबागका अध्यक्ष सञ्जय ठाकुरलाई शुक्रबार अदालतमा उपस्थित गराइनेछ।

माघ १८, २०८० मा प्रकाशित
प्रतिक्रिया दिनुहोस्